OMM Redaksiyası
Azərbaycan millisinin futzalçısı Nihad İsmayılov dünya çempionatının əsas seçmə mərhələsində Çexiya ilə keçiriləcək ilk tur oyunu barədə danışıb. O, komandada əhval-ruhiyyənin yüksək olduğunu, yeni baş məşqçi Elvin Quliyevin futbolçulara inandığını bildirib.
İsmayılov Çexiyanı kağız üzərində favorit hesab etsə də, rəqibi məğlub etməyin mümkün olduğunu deyib. Onun sözlərinə görə, çexlərin heyətində 3-4 təcrübəli oyunçu var, qalanları isə gənc futzalçılardır. Rəqib əsasən hava toplarından istifadə edir və cüssəli oyunçulara malikdir. Azərbaycan yığması bu məqamlara xüsusi hazırlaşıb.
“Neftçi”nin futzalçısı bildirib ki, rəhbərlik komandaya inanır və hər oyunda qələbə gözləyir. İsmayılov yığmanın əsas hədəfinə çataraq dünya çempionatına vəsiqə qazanacağına əmin olduğunu vurğulayıb.
Çexiya – Azərbaycan oyunu bu gün Fridek-Mistek şəhərindəki “Hala Polarka” İdman Arenasında keçiriləcək və Bakı vaxtı ilə saat 22:00-da başlayacaq. Azərbaycanın qrupdakı digər rəqibi Latviya millisidir.
