“Neftçi” – “Kəpəz” matçı 11-ci turun ən çox izlənilən oyunu olub

Misli Premyer Liqasının 11-ci turunun oyunlarını stadionlardan izləyən azarkeşlərin sayı açıqlanıb. Turun altı qarşılaşmasına ümumilikdə 6 598 tamaşaçı baxıb.

Ən çox azarkeş “Neftçi” – “Kəpəz” matçında qeydə alınıb. 1:0 hesabı ilə başa çatan görüşü stadiondan 3 275 tamaşaçı izləyib.

“Qarabağ” – “Turan Tovuz” (0:1) qarşılaşmasında 1 536, “Sabah” – “Şamaxı” (2:2) matçında 937, “Zirə” – “Qəbələ” (2:1) görüşündə 550 tamaşaçı olub.

“İmişli” – “Sumqayıt” (0:0) matçını 200, “Şəfa” – “Araz-Naxçıvan” (2:2) qarşılaşmasını isə 100 tamaşaçı izləyib.

Misli Premyer Liqasının 12-ci turu noyabrın 20-də başlayacaq.