OMM Redaksiyası
Misli Premyer Liqasının XI turunda “Neftçi” “Kəpəz”lə qarşılaşıb. “Palms Sports Arena”da keçirilən görüş Bakı təmsilçisinin 1:0 hesablı qələbəsi ilə başa çatıb.
Matçın yeganə qolunu 67-ci dəqiqədə Alen Şkribek vurub. Bu qələbədən sonra “Neftçi”nin xallarının sayı 24-ə yüksəlib və komanda turnir cədvəlində liderliyini möhkəmləndirib.
“Kəpəz” 17 xalla turnir cədvəlinin beşinci pilləsində qərarlaşıb.
Turun əvvəlki oyununda “Turan Tovuz” səfərdə “Qarabağ”ı 1:0 hesabı ilə məğlub edib. “Zəfər turu”na noyabrın 8-də yekun vurulacaq.
