Afət Ziyadqızı
Astanada respublikasının ilk prezidenti Nursultan Nazarbayevin mum heykəli Qazaxıstan Silahlı Qüvvələrinin Dövlət Hərbi Tarixi Muzeyindən götürülüb.
"Operativ Məlumat Mərkəzi-OMM" xəbər verir ki, bu barədə "Tengrinews" xəbər agentliyi məlumat yayıb.
Bu qərarın səbəbləri rəsmi olaraq açıqlanmayıb. Hazırda heykəlin yerində sovet və qazax hərb lideri, Qazaxıstanın ilk müdafiə naziri, Sovet İttifaqı Qəhrəmanı Saqadat Nurmaqambetovun mum fiquru qoyulub.
Muzey qeyd edib ki, Nazarbayev fiquru fondun anbarına yerləşdirilib.
