Azərbaycanda Narkotiklə Mübarizə: 2026-cı İlin İlk İki Ayında Nələr Aşkarlanıb?
2026-cı ilin yanvar-fevral aylarında Azərbaycanda narkotik vasitələrin qanunsuz dövriyyəsinə qarşı mübarizə çərçivəsində ümumilikdə 1765 cinayət faktı aşkarlanıb.
“Operativ Məlumat Mərkəzi-OMM” xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası rəsmi məlumat yayıb.
Qeyd edilib ki, cinayətlərdən 359-u narkotik vasitələrin qanunsuz satışı, 1404-ü qanunsuz əldə edilib saxlanılması, 1-i narkotik tərkibli bitkilərin qanunsuz əkilib becərilməsi, qalan 1-i isə bu kateqoriyadan olan digər cinayətlərlə bağlı olub.
Aşkarlanmış faktlar üzrə qanunsuz dövriyyədən ümumilikdə 1 ton 780 kq 896 qram və 300 ədəd həb narkotik vasitə və psixotrop maddə müsadirə olunub. Bunun 1 ton 532 kq 668,1 qramını marixuana, 99 kq 071,1 qramını heroin, 32 kq 065,4 qramını tiryək, 41 kq 067,1 qramını həşiş, qalan hissəsini isə digər narkotik və psixotrop maddələr təşkil edib.
Müsadirə Edilən Narkotiklərin Dəyəri və Cəzalandırılanların Statistikası
Qanunsuz dövriyyədən çıxarılmış 893 kq 456,6 qram narkotik vasitə və psixotrop maddələrin ümumi dəyəri 47 milyon 855 min AZN kimi qiymətləndirilir.
Narkotiklərin qanunsuz dövriyyəsi ilə bağlı cinayət məsuliyyətinə 529 nəfər cəlb edilib. Onlardan 515-i kişi, 14-ü qadın olub. Məsuliyyətə cəlb edilmiş 8 xarici ölkə vətəndaşından ümumilikdə 110 kq 798,3 qram müxtəlif növ narkotik vasitə götürülüb.
Qaçaqmalçılıq və Mütəşəkkil Cinayət Qrupları
Hüquq-mühafizə orqanları tərəfindən narkotik və psixotrop maddələrin qaçaqmalçılıq yolu ilə ölkə ərazisinə gətirilməsi ilə bağlı 32 fakt aşkar edilib. Həmin faktlar üzrə qanunsuz dövriyyədən 479 kq 764 qram narkotik vasitə çıxarılıb.
Ümumilikdə, aşkar edilmiş cinayətlərin 32-si qrup halında törədilib və bu faktlar üzrə qanunsuz dövriyyədən 345 kq 240,3 qram narkotik vasitə və psixotrop maddə müsadirə edilib.
2025 və 2026-cı İllərin Müqayisəsi: Narkotik Dövriyyəsi Artıb, Yoxsa Azalıb?
2025-ci ilin yanvar-fevral ayları ilə müqayisədə, 2026-cı ilin müvafiq dövrü ərzində aşkar edilən faktların ümumi sayı 244, satış məqsədi olmadan qanunsuz əldə edilib saxlanılma faktlarının sayı isə 335 fakt olub.
Qanunsuz dövriyyədən çıxarılmış narkotiklərin çəkisi 319 kq 648,7 qram artmış olsa da, qaçaqmalçılıq faktları 6 fakt, qrup halında cinayətlər 7 fakt, məsuliyyətə cəlb olunanların sayı 16 nəfər, xarici vətəndaşların sayı isə 9 nəfər azalıb.
Müqayisəli dövr ərzində qanunsuz dövriyyədən çıxarılmış heroinin çəkisi 3,8% (3 kq 892,8 qram), tiryəkin çəkisi isə 2,3% (753,5 qram) azalıb.
Müsadirə edilmiş narkotiklərin 86,0%-ni (1 ton 532 kq 668,1 qram) marixuana təşkil edib. Onun da 82,6%-i xarici ölkə mənşəli olub, 17,3%-i isə ölkə ərazisində (istixanalarda, zirzəmilərdə, meşə ovalıqlarında və çay yataqlarında) qanunsuz kultivasiya edilib.
Müsadirə Olunan Maddələrin Məhvi və Narkomanların Müalicə Prosesi
Cari ilin 30 yanvar tarixində müvafiq məhkəmə qərarları ilə 858 kq 620,8 qram narkotik vasitə, 22139 ədəd həb, 1056 ampul və digər güclü təsir maddələri yandırma üsulu ilə məhv edilib.
Hazırda metadonla əvəzedici müalicə proqramı üzrə 3 məntəqədə ümumilikdə 707 xəstə müalicə alır. Bunlardan 284 nəfəri Respublika Narkoloji Mərkəzində, 300 nəfəri QİÇS-lə Mübarizə Mərkəzində, 123 nəfəri isə Sumqayıt Narkoloji Mərkəzində qeydiyyatdadır.
