OMM Redaksiyası
Almaniyanın N-tv nəşri Çempionlar Liqasında “Sabah”la Dortmund “Borussiya”sı arasında keçiriləcək oyunla bağlı təhlil dərc edib.
Yazıda Niko Kovaçın rəhbərlik etdiyi Dortmund klubunun qarşılaşma ərəfəsində üzləşdiyi çətinliklərə diqqət yetirilib. N-tv-nin qeyd etdiyi məqamlardan biri komandanın son üç matçda qələbə qazana bilməməsidir.
Bununla yanaşı, nəşr “Sabah”ın məhsuldar oyununu vurğulayıb. Alman jurnalistlərin qənaətinə görə, Azərbaycan təmsilçisi Dortmund klubunun müdafiəsinə problemlər yarada bilər.
Dortmund təmsilçisinin son nəticələrinə baxmayaraq, N-tv qarşıdakı görüşün favoriti kimi “Borussiya”nı göstərib. Beləliklə, nəşr “Sabah”ın daha güclü rəqibinə müqavimət göstərə biləcəyini istisna etməyib, ancaq üstünlüyü qonaq komandaya verib.
