Messinin yeni klubundakı forma nömrəsi bəlli olub

Fransa PSJ-sini ABŞ-ın "İnter Mayami" klubuna dəyişən Lionel Messinin yeni komandasında geyinəcəyi forma nömrəsi bəlli olub.

"Operativ Məlumat Mərkəzi-OMM" xəbər verir ki, argentinalı futbolçu yenidən 10 nömrə altında çıxış edəcək.

Mayami təmsilçisində bu nömrə Qonsalo İquainin gedişindən sonra boş qalıb.

Qeyd edək ki, Lionel Messi İspaniya "Barselona"sında 10, PSJ-də isə 30 nömrəli formanı geyinib.