OMM Redaksiyası
Argentina millisinin hücumçusu Lionel Messi komandanın məşqləri üçün darıxacağını bildirib. O, oktyabrın 5-də yığmanın düşərgəsinə qoşulub və son məşqini keçirib.
Argentina oktyabrın 7-də Beninlə yoldaşlıq oyunu keçirəcək. Mənbədə qeyd olunur ki, bu qarşılaşma Messi üçün milli komandanın heyətində sonuncu olacaq.
“Xüsusi anlar idi — əminəm ki, onlar üçün darıxacağam”, — Messi jurnalist Fabrisio Romanonun paylaşdığı açıqlamada deyib.
Messi Argentina millisinin heyətində 2022-ci ildə dünya çempionu, 2021 və 2024-cü illərdə Amerika Kubokunun qalibi olub. O, 2022-ci ildə Finalissimada, 2008-ci ildə isə Olimpiya Oyunlarında qızıl medal qazanıb. Futbolçu, həmçinin 2005-ci ildə gənclər arasında dünya çempionatının qalibi olub.
