OMM Redaksiyası
Lionel Messi Argentina millisindəki karyerasını başa vurub. “İnter Mayami”nin hücumçusu yığmadakı son oyununu Beninə qarşı keçirib.
Buenos-Ayresdəki “Monumental Antonio Vespusio Liberti” stadionunda baş tutan yoldaşlıq görüşündə Argentina 3:0 hesabı ilə qalib gəlib. Nikolas Otamendi 48-ci, Paz 61-ci, Messi isə 71-ci dəqiqədə fərqlənib. Messi matçda qol vurmaqla yanaşı, məhsuldar ötürmə də edib.
Messinin Argentina millisindəki göstəriciləri
Messi Argentina millisində debütünü 2005-ci ilin avqustunda Macarıstana qarşı yoldaşlıq oyununda edib. Həmin görüş Argentina yığmasının 2:1 hesablı qələbəsi ilə başa çatıb.
O, Argentina millisinin heyətində 208 oyunda 126 qol vurub və 69 məhsuldar ötürmə verib. Messi yığma ilə 2022-ci ildə dünya çempionu olub, 2021 və 2024-cü illərdə Amerika Kubokunu, 2022-ci ildə isə Finalissimánı qazanıb.
