Məktəblərdə vahid geyim qaydaları ilə bağlı VACİB AÇIQLAMA

Dövlət ümumi təhsil müəssisələri üçün müəyyən edilən vahid geyim qaydaları özəl məktəblərə şamil olunmur. Lakin özəl məktəblər də öz nizamnamələrinə uyğun geyim qaydaları müəyyən edə bilərlər.

"Operativ Məlumat Mərkəzi-OMM" xəbər verir ki, bunu elm və təhsil nazirinin müavini Firudin Qurbanov bildirib.

Onun sözlərinə görə, məktəbləri dövlət və özəl əsasda fərqləndirmək valideynlər tərəfindən birmənalı qarşılanmaya bilər.

Nazir müavini hesab edir ki, şagirdlərin təhlükəsizliyi, təhsil hüququnun qorunması və məktəbdaxili nizam-intizamın möhkəmləndirilməsi prinsipləri bütün təhsil müəssisələrində eyni şəkildə tətbiq edilməlidir. (Apa)