OMM Redaksiyası
Fransa Liqasının 6-cı turunda “Marsel” səfərdə “Trua” ilə qarşılaşıb. Trua şəhərindəki “Stad de l’Ob” stadionunda keçirilən görüş qonaqların 2:0 hesablı qələbəsi ilə başa çatıb. Baş hakim funksiyasını Giyom Paradis yerinə yetirib.
Matçın ilk qolu 50-ci dəqiqədə vurulub. “Marsel”in yarımmüdafiəçisi Amin Harit fərqlənərək komandasını önə keçirib. Görüşün 90+8-ci dəqiqəsində Himad Abdelli penaltini dəqiq yerinə yetirib və yekun hesabı müəyyənləşdirib.
Altı oyundan sonra “Marsel”in aktivində 6 xal var və komanda turnir cədvəlinin 13-cü pilləsində qərarlaşıb. Dörd xala malik “Trua” isə 17-ci yerdədir.
“Marsel” növbəti matçını oktyabrın 18-də səfərdə “Anje”yə qarşı keçirəcək. “Trua” isə bir gün əvvəl öz meydanında “Lans”ı qəbul edəcək.
