Mancini: İtaliya millisində Totti və Del Pyerolu nəsil yoxdur

İtaliya millisinin baş məşqçisi Roberto Mancini komandanın hazırda yenilənmə mərhələsində olduğunu deyib.

İtaliya Millətlər Liqasına sentyabrın 25-də evdə Belçikaya 0:2 hesablı məğlubiyyətlə başlayıb. Sentyabrın 28-də Mancininin komandası səfərdə Türkiyə ilə qarşılaşacaq.

“Hər komanda müxtəlif mərhələlərdən keçir. Hazırda İtaliya yenilənmə dövründədir. Bizim vaxtilə Françesko Totti, Alessandro Del Pyerо və digər böyük çempionların yer aldığı nəsil kimi heyətimiz yoxdur”, – Mancini mətbuat konfransında bildirib.

Mütəxəssis komandanın bir-birini daha yaxşı tanıması və rəqabət apara biləcək kollektiv qurması üçün vaxta ehtiyac olduğunu vurğulayıb.

“Türkiyəyə qarşı yaxşı oyun göstərərək pressinqi və aqressivliyi artıracağımıza ümid edirəm. Bu günlərdə yeni nələrsə hazırlamaq üçün vaxtımız olmayıb. Buna görə də böyük yeniliklər gözləmirəm”, – baş məşqçi qeyd edib.