“Mançester Siti” futboldan kənarlaşdırıla bilər

“Mançester Siti” İngiltərə Premyer Liqasının maliyyə qaydalarını pozması ilə bağlı iş üzrə ağır cəza ala bilər. Komandanın peşəkar futboldan tamamilə kənarlaşdırılması mümkün ssenarilərdən biri kimi qeyd olunur.

"Operativ Məlumat Mərkəzi-OMM" xəbər verir ki, bu barədə jurnalist Ben Ceykobs özünün “YouTube” kanalında bildirib.

Klub üçün ən pis ssenari futboldan tamamilə uzaqlaşdırılmaqdır. Bununla belə, o, yekun cəza barədə indidən ehtimallar irəli sürməyin düzgün olmadığını vurğulayıb.

“Klub üçün ən pis ssenari futboldan tamamilə kənarlaşdırılmaqdır. Lakin bu, hüquqi imkanlardan yalnız biridir. Hazırda komandanın hansı cəzanı alacağı ilə bağlı spekulyasiya etmək lazım deyil”, – insayder deyib.

Xatırladaq ki, komissiya “Mançester Siti”ni 115 maddədən 114-ü üzrə qayda pozuntusunda təqsirli bilib.

Hazırda “şəhərlilər” İngiltərə Premyer Liqasının turnir cədvəlində birinci pillədə qərarlaşıb. Komanda növbəti matçını səfərdə “Liverpul”a qarşı keçirəcək.