“Barselona” və İspaniya millisinin hücumçusu Lamin Yamal populyarlıq qazandıqdan sonra həyatında nələrin çətinləşdiyindən danışıb. O, indiki həyatındakı bir çox şeyi dəyişərək daha sərbəst insan olmağı seçəcəyini bildirib.
“Barselona”nın mərkəzinə gedib paltar almaq, nəsə içmək və evə qayıtmaq hər kəs üçün mümkün olsa da, bunun özü üçün belə olmadığını deyən Yamal ABŞ-da olduğu vaxtlardan yararlandığını vurğulayıb. Futbolçu bildirib ki, orada onu heç kim tanımır və bu, onun üçün faydalıdır.
Yamalın sözlərinə görə, sevgilisi və ya anası ilə nahar edərkən dəfələrlə yanına yaxınlaşıb ondan foto istəyiblər. O, terrasda sakitcə oturarkən belə anlarda “Bəlkə də indi vaxtı deyil” deyə düşündüyünü söyləyib.
Futbolçu bu fikirləri “El País”ə müsahibəsində səsləndirib.