İngiltərə Premyer Liqasında çıxış edən "Arsenal"ın futbolçusu Noni Madueke iki ay yaşıl meydanlardan kənarda qalacaq.
"Operativ Məlumat Mərkəzi-OMM" xəbər verir ki, bu barədə “The Athletic” məlumat yayıb.
23 yaşlı hücumçunun dizindən aldığı zədə ötən bazar günü "Mançester Siti" ilə 2:1 hesablı matç zamanı baş verib.
Aparılan tibbi müayinə nəticəsində Maduekenin ön çarpaz bağında zədə aşkar edilib və o, bir neçə klub matçını, həmçinin ən azı bir beynəlxalq görüşü buraxacaq.
Qeyd olunur ki, "Topçular"ın digər zədəliləri sırasında avqustun sonunda dizindən əməliyyat olunan Kai Havertz, yanvardan ACL problemi səbəbindən oynaya bilməyən Qabriel Jesus və çiynində zədə olan Martin Odegaard da yer alır.
