Afət Ziyadqızı
Belarus Prezidenti Aleksandr Lukaşenko KTMT-nin Bişkek sammitində iştirak etməyi və burada rusiyalı həmkarı Vladimir Putinlə görüşməyi planlaşdırır.
"Operativ Məlumat Mərkəzi-OMM"-in xəbərinə görə, bu barədə Belarus Prezident administrasiyasının Teleqram kanalı məlumat yayıb.
Teleqram kanalının məlumatına görə, Lukaşenko noyabrın 26-da Bişkekə gedəcək.
"Noyabrın 27-də Bişkekdə keçiriləcək sammitdə liderlər KTMT-nin sessiyalararası dövrdə fəaliyyətini yekunlaşdıracaq, beynəlxalq və regional təhlükəsizlik məsələlərini müzakirə edəcəklər. Aleksandr Lukaşenko ilə Rusiya Prezidenti Vladimir Putinin Bişkekdə də ikitərəfli görüşü planlaşdırılır", - məlumatda deyilir.
