Afət Ziyadqızı
Belarus Prezidenti Aleksandr Lukaşenko Belarus-Ukrayna sərhədində vəziyyətin görünməmiş həddə çatdığını bildirib.
“Operativ Məlumat Mərkəzi-OMM” xəbər verir ki, Lukaşenko bu barədə RİA Novosti agentliyinə açıqlamasında danışıb.
Onun sözlərinə görə, ölkənin cənub sərhədində vəziyyət son dərəcə gərgindir və bu istiqamətdə təhlükəsizlik tədbirlərinin gücləndirilməsi zəruridir.
“Bəzi hərbçilərə verilən cavab budur: cənub sərhədini gücləndirilmiş təhlükəsizliklə qorumalıyıq, ya yox? Cavab budur: bəli. Xalq bizi öz hesabına yedizdirir ki, biz onları qoruya bilək”, - deyə Lukaşenko vurğulayıb.
Belarus lideri qeyd edib ki, ölkənin cənub sərhədi “əvvəllər heç vaxt olmadığı qədər yanır”.
Xatırladaq ki, Lukaşenko bundan əvvəl Bryansk vilayətində belaruslu uşaqları daşıyan avtobusa hücum edən dronun Ukraynaya məxsus olduğunu bildirmişdi.
