İngiltərə Premyer Liqasının 11-ci turunda “Çelsi” “Stemford Bric” stadionunda “Lids Yunayted”i qəbul edib. London təmsilçisi 1:4 hesabı ilə məğlub olub. Qarşılaşmanın baş hakimi Maykl Oliver olub.
Emanuel Emeqa 25-ci dəqiqədə “Çelsi”ni hesabda önə keçirib. Noa Okafor iki dəqiqə sonra bərabərlik qolunu vurub. Dominik Kalvert-Lyuin 53-cü dəqiqədə penaltini dəqiq yerinə yetirərək qonaqları hesabda irəli çıxarıb. Okafor 58-ci dəqiqədə dublunu rəsmiləşdirib, Brenden Aronson isə 90+1-ci dəqiqədə yekun hesabı müəyyənləşdirib.
Bu nəticədən sonra 16 xalı olan “Çelsi” turnir cədvəlinin səkkizinci pilləsində qərarlaşıb. “Lids Yunayted” 17 xalla altıncı yerdədir.
Növbəti turda “Çelsi” noyabrın 27-də səfərdə “Nottingem Forest”lə qarşılaşacaq. “Lids Yunayted” isə noyabrın 28-də “Koventri Siti”ni qəbul edəcək.