OMM Redaksiyası
“Barselona” və “Real Madrid”in sabiq yarımmüdafiəçisi Luiş Fiqu Joze Mourinyonun Kataloniya klubunun baş məşqçisi vəzifəsinə uyğun namizəd ola biləcəyini bildirib. Mourinyo 1996–2000-ci illərdə “Barselona”da baş məşqçinin köməkçisi işləyib.
Fiqunun sözlərinə görə, Pep Qvardiolanın təyinatından əvvəl də Mourinyonun namizədliyi müzakirə olunub. Həmin vaxt onun “Barselona”ya rəhbərlik etmək üçün lazımi keyfiyyətlərə malik olduğu düşünülə bilərdi.
Fiqu qeyd edib ki, Mourinyo ilə birlikdə oynadığı dövrdə onun təcrübəsi az olsa da, sonrakı nailiyyətləri, bacarıqları və biliyi onu “Barselona” üçün yaxşı məşqçi edə bilərdi. Sabiq futbolçunun fikrincə, kluba qayıdacağı təqdirdə Mourinyo komandanın fəlsəfəsini və heyətini tanıyacaqdı.
Fiqunun fikirlərini “Mundo Deportivo” yayıb.
