"Liverpul" klubu cari mövsümün sonunda komandadan ayrılacağı gözlənilən Məhəmməd Salah üçün əvəzləyici axtarışlarını davam etdirir.
"Operativ Məlumat Mərkəzi-OMM" "Fichajes" nəşrinə istinadən xəbər verir ki, İngiltərə təmsilçisinin əsas hədəfi "Milan" klubunun 26 yaşlı portuqaliyalı vingeri Rafael Leaodur.
Futbolçunun oyun tərzi komandanın hücum xəttinə tam uyğun gəlir.
Məlumata görə, "Liverpul" bu transferi reallaşdırmaq üçün təxminən 100 milyon avro ödəməyə hazırdır.
Hazırda danışıqlar ilkin mərhələdə olsa da, ingilislərin marağı olduqca ciddidir.
Qeyd edək ki, son vaxtlar oyunçu ilə münasibətləri pisləşən "Milan" rəhbərliyinin bu keçidə ciddi etiraz etməyəcəyi bildirilir.
