Afət Ziyadqızı
"Spartak"ın hücumçusu Livay Qarsiya karyerasını Yunanıstanın "Panatinaikos" klubunda davam etdirə bilər.
“Operativ Məlumat Mərkəzi-OMM” xəbər verir ki, tərəflər 28 yaşlı futbolçunun icarə əsasında transferi ilə bağlı danışıqlar aparırlar.
Məlumata əsasən, müqavilədə müəyyən şərtlər nəzərdə tutulub. Belə ki, "Panatinaikos"un futbolçunu birdəfəlik transfer etməsi üçün komandanın UEFA Çempionlar Liqasına vəsiqə qazanması və Livay Qarsiyanın müəyyən statistik göstəricilərə çatması tələb olunur. Bu şərtlər yerinə yetirilməyəcəyi halda, trinidadlı hücumçu mövsümün sonunda yenidən "Spartak"a qayıdacaq.
Qeyd edək ki, Livay Qarsiya ötən mövsüm klub səviyyəsində keçirdiyi 33 oyunda 7 qol vurub və 5 məhsuldar ötürmə edib. Cari mövsümdə isə hələ rəsmi oyuna çıxmayıb.
"Transfermarkt" portalının məlumatına görə, futbolçunun bazar dəyəri 7 milyon avro təşkil edir. Onun "Spartak"la müqaviləsi 2028-ci ilin yayına qədər qüvvədədir.
