OMM Redaksiyası
Argentina millisinin baş məşqçisi Lionel Skaloni komandada fəaliyyətini davam etdirmək üçün yeni müqaviləni razılaşdırıb. Məlumatı insayder Fabrizio Romano yayıb.
Razılaşmanın müddəti 2030-cu il dünya çempionatının sonunadək olacaq. Müqavilənin bəzi detalları hələ həll edilməyib.
Argentina Futbol Assosiasiyası sentyabrda Skaloniya yeni müqavilə təklif edib. Mütəxəssis təklifi qəbul edib, indi tərəflərə sənədin qalan detallarını razılaşdırmaq qalır.
Skaloni Argentina millisini 2018-ci ildən çalışdırır. Onun rəhbərliyi ilə komanda 2022-ci ildə dünya çempionatının, 2021 və 2024-cü illərdə Amerika Kubokunun, həmçinin 2022-ci ildə Finalissimanın qalibi olub.
