OMM Redaksiyası
Lionel Messi Argentina millisindəki vida matçından sonra “İnter Mayami”nin düşərgəsinə qayıdıb. Argentina yığması oktyabrın 7-də Buenos-Ayresdə Benini 3:0 hesabı ilə məğlub edib. Bu qarşılaşma 39 yaşlı hücumçunun milli komandada son oyunu olub.
Messi Beninlə görüşdə bir qol vurub, həmçinin komanda yoldaşlarının iki qoluna məhsuldar ötürmə ilə şərait yaradıb. Beləliklə, o, vida matçında Argentina millisinin qələbəsinə üç qolda töhfə verib.
Səkkiz dəfə “Qızıl top” mükafatına layiq görülən Messi Argentina yığmasının heyətində dünya çempionu və Olimpiya Oyunlarının qalibi olub. O, həmçinin Amerika Kubokunu iki dəfə qazanıb.
Hücumçu Argentina millisində keçirdiyi 208 matçda 126 qol vurub və 70 məhsuldar ötürmə edib. Messi vida görüşündən sonra klub karyerasını “İnter Mayami”də davam etdirəcək.
