"ABŞ çətin anlarda belə kosmosda Rusiya ilə əlaqələri kəsmir".
"Operativ Məlumat Mərkəzi-OMM" xəbər verir ki, bu sözləri NASA administratorunun səlahiyyətlərini icra edən Şon Daffi deyib.
NASA rəhbərinin sözlərinə görə, Amerika tərəfi kosmosa beynəlxalq əməkdaşlıq məkanı kimi baxır.
Daffi etiraf edib ki, Moskva və Vaşinqton arasında Ukrayna ilə bağlı fikir ayrılıqları var, lakin belə məqamlarda belə tərəflər ortaq nöqtə tapırlar.
"Biz mövcud problemlər üzərində işi davam etdiririk, lakin eyni zamanda, bəşəriyyətin kosmik fəzada irəliləməsi fonunda müttəfiqlik, tərəfdaşlıq və dostluq münasibətlərini qurmağı da davam etdirməyə ümid edirik", - o bildirib.
