Afət Ziyadqızı
Avropa İttifaqının xarici siyasət rəhbəri Kaya Kallas Ukrayna ilə Polşa sərhədində qatara endirilən zərbənin Qərb ölkələrini qorxutmaq məqsədi daşıdığını bildirib.
“Operativ Məlumat Mərkəzi-OMM” xəbər verir ki, bu barədə “Reuters” agentliyi məlumat yayıb.
Məlumata görə, Kallas hadisəyə cavab olaraq əks istiqamətdə hərəkət etməyin vacib olduğunu vurğulayıb: “Biz Ukraynaya dəstək verdiyimizi və qorxmadığımızı göstərməliyik”. Fransanın xarici işlər nazirindən Jan-Noel Barro da zərbənin avropalıları qorxutmaq və onların sıralarında parçalanma yaratmaq məqsədi daşıdığını bəyan edib. Hər iki rəsmi müvafiq zərbələrə görə Rusiyanı ittiham etsə də, Avropa rəsmiləri Moskvanın insidentə aidiyyəti ilə bağlı hər hansı sübut təqdim etməyiblər.
Bildirilib ki, Polşanın Baş naziri Donald Tusk sentyabrın 13-də səhər saatlarında Polşa Silahlı Qüvvələrinin Ukrayna sərhədində bir neçə pilotsuz uçuş aparatı qeydə aldığını diqqətə çatdırıb. Dronlardan biri Kiyev–Varşava marşrutu üzrə hərəkət edən qatara zərbə endirib, digər aparat isa Yaqodin–Doroqusk keçid məntəqəsinin yakınlığına düşüb.
