OMM Redaksiyası
“Əl-Nəsr”in portuqaliyalı hücumçusu Joau Feliks klub və milli komandadakı komanda yoldaşı Kriştiano Ronaldu ilə birlikdə oynamaq barədə danışıb.
Portuqaliya millisinin kapitanı peşəkar karyerasında 979 qola imza atıb. Feliks Ronaldu ilə həm yığmada, həm də Səudiyyə Ərəbistanı klubunda çıxış etməyin onun üçün xüsusi olduğunu vurğulayıb.
“Futbolda çox az oyunçu belə təcrübə ilə öyünə bilər. Biz Kriştianonu izləyərək böyümüşük. O, bizim kumirimiz və nümunəmiz olub. İndi isə həmin anları onunla bölüşürəm. Onunla oynamaq böyük şərəfdir”, – Feliks deyib.
Hücumçu ötən il Səudiyyə Ərəbistanı çempionluğunu qazanmağın da əhəmiyyətini qeyd edib. O, Ronalduya arzuladığı titula çatmaqda kömək etməyin xoş olduğunu bildirib.
Feliks Ronaldu 1000-ci qoluna yaxınlaşanda ona assist vermək üçün xüsusi səy göstərəcəyini söyləyib.
“Bu göstəriciyə cəmi bir qol qalanda hər topa sahib olduğumuz epizodda onu meydanda axtaracağam ki, pas verə bilim. Bu qol futbol tarixinin bir hissəsinə çevriləcək. Belə hadisənin iştirakçısı olmaq xüsusi olardı”, – “AS” nəşri Feliksin sözlərini yayıb.
