İsveçrə Alplarında turist avtobusu aşdı: ölənlər və yaralananlar var

Şərqi İsveçrədə hollandiyalı turistləri daşıyan avtobusun aşması nəticəsində bir neçə nəfər ölüb, bir sıra sərnişin isə yaralanıb. Hadisə Qraubünden kantonunda, Engadin vadisində, İsveçrə Milli Parkının yaxınlığında baş verib.

Qəza cümə axşamı yerli vaxtla saat 16:45 radələrində Susch və Zernez alp kəndlərini birləşdirən yolda qeydə alınıb. Zernezdən Susch istiqamətində hərəkət edən avtobus əvvəlcə yol kənarındakı qoruyucu səddə çırpılıb, daha sonra aşıb. Qəzada başqa nəqliyyat vasitəsinin iştirak etdiyi bildirilmir.

Qraubünden kanton polisi açıqlamasında avtobus qəzasında “bir neçə nəfərin öldüyünü” və digər şəxslərin yaralandığını bildirib. Hadisə yerinə xilasetmə işləri üçün bir neçə təcili yardım maşını və beş helikopter göndərilib.

Avtobusda ümumilikdə 49 nəfər olub: 48 sərnişin və sürücü.