İsrailin müdafiə naziri İsrael Katz İsrail Müdafiə Qüvvələrinin (IDF) Qəzza zolağında əməliyyatlar sahəsini genişləndirdiyini açıqlayıb.
"Operativ Məlumat Mərkəzi-OMM" xəbər verir ki, bu barədə “Times of Israel” məlumat yayıb.
Katz bildirib ki, məqsəd bölgələri terrorçulardan və onların infrastrukturundan təmizləmək və İsrail Dövlətinin təhlükəsizlik zonalarına əlavə olunacaq geniş ərazini ələ keçirməkdir.
O, anklav sakinlərini HƏMAS-ı devirmək və bütün girovları geri qaytarmaq üçün indi irəliləməyə çağırıb.
Nəşr fələstinlilərə istinadən onu da yazıb ki, İsrail quru qüvvələri artıq anklavın cənubunda yerləşən Rəfah şəhərinin bir neçə bölgəsində əməliyyata başlayıb.
