OMM Redaksiyası
İran Səudiyyə Ərəbistanı və Yəmən husilərindən aralarındakı döyüşlərə son qoymaq məqsədilə danışıqlara vasitəçilik təklifinə cavab almayıb. İranın xarici işlər naziri Abbas Əraqçi bunu çərşənbə axşamı yayımlanan televiziya müsahibəsində deyib.
“AnewZ”in məlumatına görə, Əraqçi İraqın “Al Ekhbariya” telekanalına müsahibəsində dialoqun təşkilinə kömək etməyi təklif edib. İranla müttəfiq olan husilər bu ayın əvvəlində Səudiyyə Ərəbistanına hücumlarını intensivləşdiriblər.
Əraqçi həmçinin Misirin husilərə qarşı müharibədə Səudiyyə Ərəbistanına qoşulması ehtimalını şərh edib.
Misir Səudiyyə Ərəbistanının təhlükəsizliyini qorumaq üçün ehtiyac duyduğu dəstəyi verməyə hazır olduğunu bildirib. Bu, Yaxın Şərqdə gərginliyin artması ehtimalını gündəmə gətirib.
Ərəb dünyasının ən böyük ordularından birinə malik Misirin hərbçilərinin husilərə qarşı mümkün əməliyyatda iştirakına dair parlament səsverməsi oktyabrın 26-dək təxirə salınıb.
