OMM Redaksiyası
Rusiyalı məşqçi Aleksandr Qriqoryan Madrid “Real”ının futbolçularını idarəolunmaz dəstə kimi xarakterizə edib. O, “Matç TV”nin efirində komandanın toparlanmasının vacibliyini bildirib.
“Məncə, Mourinyo bu Madrid dəstəsini birləşdirmək üçün əlindən gələni edir. Bu komanda həqiqətən idarəolunmaz dəstədir. Xabi Alonso “Real”a rəhbərlik edəndə futbolçular sosial şəbəkələrdə onu açıq şəkildə təlxək vəziyyətinə salırdılar. Bu, dəhşətli idi. “Real”ın aparıcı oyunçularının eqosu inanılmaz dərəcədə böyükdür. Belə insanlarla sabit şəkildə titullar qazanan Karlo Ançelottinin dahiliyinə heyran olmamaq mümkün deyil”, — Qriqoryan deyib.
Məşqçinin fikrincə, Mourinyo “Real”a keçid dövrü üçün dəvət edilib və klubun bərpasına töhfə verə bilər. Qriqoryan onun ilk növbədə komandanı vahid kollektivə çevirməli olduğunu düşünür. O əlavə edib ki, bundan sonra Mourinyonun yerinə başqa məşqçi gələcək.
İspaniya La Liqasının bu mövsümündə doqquz turdan sonra “Real” 21 xalla turnir cədvəlinin üçüncü pilləsində qərarlaşıb.
