İranda baş verən kütləvi iğtişaşlar zamanı ölkənin sosial və dini infrastrukturuna ciddi ziyan dəyib.
"Operativ Məlumat Mərkəzi-OMM" xəbər verir ki, bu barədə İran parlamenti bəyanat yayıb.
Hesabata əsasən, iğtişaşlar nəticəsində 250 ümumtəhsil məktəbi, 300 məscid və 90 dini təhsil müəssisəsi zədələnib və ya dağıdılıb.
Bundan əlavə, hadisələr zamanı hüquq-mühafizə orqanlarına məxsus 2 200 polis avtomobilinin sıradan çıxarıldığı qeyd olunur. Hazırda dəymiş ziyanın tam həcmi və bərpa işləri ilə bağlı araşdırmalar davam edir.
