İran Nüvə Təhlükəsizliyi Sistemi Mərkəzi, 12 gün davam edən İsrail hücumlarında zənginləşdirilmiş urandan istifadə edildiyinə dair iddiaları təkzib edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Məsələ ilə bağlı yazılı açıqlama da verilib:
"Sosial mediada yer alan bəzi xəbərlərdə, İrana qarşı həyata keçirilən hücumlarda düşmən qüvvələrinin zənginləşdirilmiş uran tərkibli sursatlardan istifadə etdiyi iddia olunmuşdu. Lakin aparılan araşdırmalarda indiyə qədər zənginləşdirilmiş uran istifadəsinə dair hər hansı bir dəlilə rast gəlinməmişdir".
Qeyd edək ki, Fars Xəbər Agentliyi 27 iyun tarixli xəbərində zənginləşdirilmiş uran bombası istifadə etdiyinə dair iddialara yer vermişdi.
