OMM Redaksiyası
İranın xarici işlər naziri Abbas Əraqçı ölkənin nüvə obyektlərinə edilən hücumlardan sonra yaranmış vəziyyətlə bağlı bəyanat yayıb.
“Operativ Məlumat Mərkəzi-OMM”-in xəbərinə görə, nazir bildirib ki, ABŞ tərəfindən hədəf alınan nüvə mərkəzlərində hələ də partlamamış bombalar mövcuddur və bu, ciddi təhlükəsizlik riskləri yaradır.
Əraqçı Beynəlxalq Atom Enerjisi Agentliyinin (BAEA) rəhbəri Rafael Mariano Qrossi ilə müzakirələrində həmin obyektlərə baxış keçirilməsi üçün xüsusi protokolun zəruriliyini vurğulayıb.
O qeyd edib ki, təhlükəsizlik və emniyyət məsələləri tam həll olunmadan, həmçinin tərəflər arasında müvafiq razılıq əldə edilmədən təftişlərin aparılması mümkün deyil. Hazırda bu çərçivədə agentliklə təmaslar davam etdirilir.
Xatırladaq ki, 2025-ci ilin iyun ayında regionda hərbi gərginlik kəskin artıb. İsrail ordusunun İranın hərbi rəhbərliyini və nüvə alimlərini hədəf alan hücumlarından sonra, iyunun 22-də ABŞ hərbi hava qüvvələri Nətənz, Fordo və İsfahandakı üç strateji nüvə obyektinə zərbələr endirib.
