Araqçı və Qrossi Cenevrədə bir araya gəlib

İranın xarici işlər naziri və nüvə məsələləri üzrə baş danışıqçısı Abbas Araqçı İsveçrənin Cenevrə şəhərində mühüm görüş keçirib.

"Operativ Məlumat Mərkəzi-OMM" İran KİV-ə istinadən xəbər verir ki, görüş "Beynəlxalq Atom Enerjisi Agentliyi"nin (BAEA) baş direktoru Rafael Qrossi ilə baş tutub.

Danışıqlar zamanı tərəflər İran və BAEA arasındakı cari əməkdaşlıq münasibətləri, nüvə proqramı ilə bağlı yaranmış texniki və siyasi məsələlər və gələcək monitorinq və yoxlama proseslərinin perspektivlərimüzakirə ediblər.

Qeyd edək ki, bu görüş İranın nüvə fəaliyyətləri ilə bağlı beynəlxalq müzakirələrin intensivləşdiyi bir dövrə təsadüf edir.