İran İslam Respublikasının vitse-prezidenti və Atom Enerjisi Təşkilatının sədri Məhəmməd Eslami bildirib ki, İranın düşmənləri Tehranın uran zənginləşdirməsini heç vaxt dayandıra bilməyəcəklər.
"Operativ Məlumat Mərkəzi-OMM" xəbər verir ki, İSNA onun sözlərini sitat gətirib:
"Rəqiblərin İranın zənginləşdirmə proqramını məhdudlaşdırmağa yönəlmiş iddiaları və tələbləri sadəcə məzara gedəcək xəyallardır".
Eslaminin sözlərinə görə, İsrail və ABŞ-nin İrana qarşı təcavüzü heç bir nəticə verməyib və indi onlar danışıqlar yolu ilə Tehrandan güzəştlər əldə etməyə çalışmaq istəyirlər.
