Afət Ziyadqızı
İran və ABŞ arasında hazırlanmış anlaşma memorandumunun layihəsinə əsasən, yekun danışıqlar əsasən nüvə və iqtisadi məsələlərə fokuslanacaq və İranın raket proqramı müzakirə mövzusu olmayacaq.
"Operativ Məlumat Mərkəzi-OMM"xəbər verir ki, bu barədə “Mehr” agentliyi məlumat yayıb.
Məlumata görə, sənəd layihəsində ABŞ-nin İrana qarşı sanksiyaları ləğv etməsi, İran ətrafında hərbi qüvvələrini geri çəkməsi və dəniz blokadasını aradan qaldırması kimi öhdəliklər yer alır.
Bildirilib ki, razılaşma layihəsinə həmçinin Hörmüz boğazının açılması, neft ixracına qoyulan məhdudiyyətlərin ləğvi və İranın dondurulmuş maliyyə vəsaitlərinin geri qaytarılması ilə bağlı müddəalar daxildir.
Qeyd olunub ki, sənəd İran iqtisadiyyatının bərpası və maliyyə axınının normallaşdırılmasını da nəzərdə tutur.
Məlumata görə, layihənin qüvvəyə minməsi üçün müvafiq dövlət qurumları tərəfindən yekun təsdiq verilməlidir.
