İran prezidenti İbrahim Rəisi ABŞ-nin İsraili Qəzza zolağına hücumlar etməyə təşviq etdiyini və Vaşinqton administrasiyasının Qəzzaya humanitar yardımla bağlı iddialarının həqiqəti əks etdirmədiyini deyib.
"Operativ Məlumat Mərkəzi-OMM" xəbər verir ki, bu barədə İRNA məlumat yayıb.
İsrailin Qəzzada soyqırımı törətdiyini bildirən Rəisi dərhal atəşkəs elan edilməsi və bölgəyə humanitar yardımların çatdırılması lazım olduğunu vurğulayıb.
İran prezidenti qeyd edib ki, Qəzzaya hücumların dayandırılması üçün beynəlxalq aləmdə hər bir təşəbbüsü dəstəkləyirlər.
