İran ABŞ-dən Tehranın nüvə proqramı ilə bağlı danışıqları təklif edən məktub almayıb.
"Operativ Məlumat Mərkəzi-OMM"-in məlumatına görə, bu barədə İran Xarici İşlər Nazirliyinin rəsmi nümayəndəsi İsmayıl Bəqayi həftəlik mətbuat konfransında bildirib.
“Xeyr, biz heç bir məktub almamışıq”, – deyə o bildirib.
Bundan əvvəl ABŞ prezidenti Donald Tramp İranın ali dini lideri Əli Xamneyiyə məktub göndərdiyini bildirib və əlavə edib ki, o, İranın nüvə problemini hərbi yolla həll etməyə çalışmaqdansa, Tehranla İranın nüvə proqramı ilə bağlı saziş imzalamağa üstünlük verir.
