İsrailin gecə zərbələri nəticəsində İranın 12 vilayətində azı 95 nəfər yaralanıb, bir xilasedici həlak olub.
"Operativ Məlumat Mərkəzi-OMM" xəbər verir ki, bunu İran Qızıl Aypara Cəmiyyətinin nümayəndəsi Müctəba Xalidi deyib.
"Ölkənin 12 vilayətində xilasetmə əməliyyatları davam edir. Hadisə zamanı 95 həmyerlimiz yaralanaraq tibb mərkəzlərinə çatdırılıb, daha 26 nəfərə isə hadisə yerində köməklik göstərilib. Təəssüf ki, Şərqi Azərbaycan əyalətindəki xilasedicilərimizdən biri əməliyyat zamanı dünyasını dəyişib. Qəsr rayonunda daha bir təcili yardım əməkdaşı yaralanıb və hazırda müalicə olunur", - deyə o qeyd edib.
