Afət Ziyadqızı
Milanın “İnter” klubu heyətini gücləndirmək istiqamətində transfer çalışmalarını davam etdirir.
"Operativ Məlumat Mərkəzi-OMM" xəbər verir ki, bu barədə futbol transferləri üzrə insayder Fabritsio Romano məlumat yayıb.
Məlumata görə, “İnter” bir müddətdir maraq göstərdiyi Marko Palestranın “Çelsi”yə transfer olunması səbəbindən alternativ variantlara yönəlmək məcburiyyətində qalıb. “Atalanta”nın futbolçusu olan Palestra ilə razılığa yaxın olan Milan təmsilçisinin bu planı London klubunun müdaxiləsi nəticəsində baş tutmayıb.
Bildirilib ki, bununla əlaqədar “İnter” yeni hədəf kimi “Yuventus”un müdafiəçisi Andrea Kambyazoya diqqət yetirir. Hələlik tərəflər arasında rəsmi danışıqlar başlamasa da, yaxın günlərdə ilkin kontaktların qurulacağı gözlənilir.
Qeyd olunub ki, 26 yaşlı futbolçu ilə “Barselona” və “Çelsi” klubları da yaxından maraqlanır.
Məlumata əsasən, “Transfermarkt” portalı Andrea Kambyazonun bazar dəyərini 20 milyon avro olaraq qiymətləndirir. Onun “Yuventus”la mövcud müqaviləsi 2029-cu ilə qədər qüvvədədir.
