İtaliyanın "Atalanta" klubunun cinah müdafiəçisi Marko Palestra İngiltərənin "Çelsi" klubunun diqqət mərkəzinə düşüb.
"Operativ Məlumat Mərkəzi-OMM" xarici KİV-ə istinadən xəbər verir ki, London təmsilçisi 21 yaşlı futbolçunun transferi üçün "Atalanta"ya 55 milyon avrodan çox vəsait təklif edib.
Mənbə qeyd edir ki, oyunçunun özü karyerasını "İnter"də davam etdirməyə daha çox maraq göstərir. Hazırda "İnter" transfer yarışında favorit hesab olunsa da, "Çelsi"nin təklif edəcəyi daha sərfəli şəxsi müqavilə şərtləri futbolçunun qərarına təsir göstərə bilər.
Xatırladaq ki, gənc müdafiəçi ötən mövsümü icarə əsasında "Kalyari" heyətində keçirib.
