“İnter” və “Yuventus” italiyalı qapıçının transferi ilə maraqlanır

“Frozinone”nin qapıçısı Lorenzo Palmizani bir sıra İtaliya və İspaniya klublarının transfer marağındadır.

"Operativ Məlumat Mərkəzi-OMM" xarici KİV-ə istinadən xəbər verir ki, 22 yaşlı qapıçını “Yuventus”, “İnter”, “Napoli” və “Vilyarreal” heyətinə qatmaq istəyir.

Palmizaninin “Frozinone” ilə müqaviləsi 2031-ci ilin iyununun sonuna qədər qüvvədədir. Qapıçının transfer dəyəri 4 milyon avro qiymətləndirilir.

Lorenzo bu mövsüm İtaliya çempionatında 5 oyunda iştirak edib. O, həmin görüşlərdə 4 qol buraxıb və 2 matçda qapısını toxunulmaz saxlayıb.