"Fransa prezidenti Emmanuel Makron Baş nazir Sebastyan Lekornunun istefasından sonra çətin seçim qarşısında qalacaq".
"Operativ Məlumat Mərkəzi-OMM xəbər verir ki, bu sözləri fransız politoloq Antuan Bristiel deyib.
"İndi Makronun yalnız iki seçimi var: Milli Assambleyanı buraxmaq və ya istefa vermək. Bu, yeni prezident seçkilərinə səbəb olacaq. Onun birincini seçəcəyi ehtimalı yüksəkdir", - ekspert bildirib.
Qeyd edək ki, bu gün Lekornu təyinatından bir ay keçməmiş Fransanın baş naziri vəzifəsindən istefa verib. Məlumata görə, onun istefası təklif etdiyi hökumətin, xüsusən də sağçı partiyaların sərt tənqidi ilə əlaqədar olub.
