Hindistan və ABŞ əsgərləri ölkənin şimal-qərbində, Pakistanla həmsərhəd olan Hindistanın Racastan əyalətində iki həftəlik birgə hərbi təlimlərə başlayıblar.
"Operativ Məlumat Mərkəzi-OMM"-in TASS-a istinadən verdiyi məlumata görə, bu barədə Cənubi Asiya Respublikasının Müdafiə Nazirliyi məlumat yayıb.
“Hindistan və ABŞ-nin 20-ci birgə hərbi təlimləri "Yudh Abhyas - 2024" Racastandakı Mahajan poliqonunda başladı. Təlimlərə hər iki ölkədən 600-ə yaxın hərbi qulluqçu cəlb olunub. Birgə təlimlərin keçirilməsində məqsəd hər iki tərəfin antiterror əməliyyatları keçirmək üçün birgə hərbi potensialını gücləndirməkdir”, - deyə idarədən bildirilib.
