HƏMAS tərəfindən verilən yazılı açıqlamada, oktyabr ayında qüvvəyə minən atəşkəs razılaşmasına və milli öhdəliklərə uyğun olaraq, sonuncu israilli əsirin cəsədinin tapılması üçün ciddi səy göstərildiyi qeyd edilib.
"Operativ Məlumat Mərkəzi-OMM" xəbər verir ki, vasitəçilərə təqdim olunan detallı məlumatlar nəticəsində cəsədin yerinin müəyyən edildiyi vurğulanıb.
"Aİ-yə qaz idxalına icazə verməzdən əvvəl qazın hansı ölkədə istehsal olunduğunu yoxlamalıdırlar"
Təşkilat bəyan edib ki, bununla da Fələstin müqavimət qüvvələri atəşkəs razılaşmasının birinci mərhələsi üzrə üzərlərinə düşən öhdəlikləri tam yerinə yetiriblər.
Bəyanatda həmçinin bu addımdan sonra İsrailin də razılaşmanın bütün maddələrini eksiksiz tətbiq etməli olduğu bildirilib.
Xüsusilə, "Rəfah" sərhəd keçid məntəqəsinin hər iki istiqamətdə açılması tələbi irəli sürülüb.
Xatırladaq ki, İsrail ordusu Qəzzada qalan sonuncu israilli əsir Ran Qvilinin cəsədinin şəhərin şərqində aparılan axtarışlar zamanı tapıldığını təsdiqləyib.
