II Liqada çıxış edən "Difai"nin futbolçusu Emil Binyətzadə 4 oyunluq cəza alıb.
“Operativ Məlumat Mərkəzi-OMM” xəbər verir ki, bu barədə AFFA İntizam Komitəsi qərar çıxarıb.
Oyunçu II turda, "Marafon"la matçın 90+4-cü dəqiqəsində qeyri-etik ifadə və hərəkətə yol verdiyi üçün qırmzıı vərəqə alıb. O, daha sonra hakimləri təhqir etdiyi üçün 4 matçlıq cəza ilə üzləşib. "Difai"yə isə 1000 manat cərimə kəsilib.
Bundan əlavə, onun komanda yoldaşı Fəzail Şirxanzadə 83-cü dəqiqədə ikinci sarı vərəqəni aldığı üçün meydandan qovulub və 1 matç cəza alıb. Klub isə 50 manat ödəməli olacaq.
