Gürcüstanın Baş prokuroru İrakli Şotadze istefa verib.

"Operativ Məlumat Mərkəzi-OMM" xəbər verir ki, bununla bağlı Baş prokuror rəsmi sosial şəbəkə səhifəsində yazıb.

O bildirib ki, həkimlərin tövsiyələrini nəzərə alaraq bunu edir: "Hazırda Gürcüstanın Baş prokuroru vəzifəsini tərk etmək qərarına gəldim. Səhhətimdə yaranan problemlərə görə öz səlahiyyətlərimi həyata keçirməyə davam edə bilmərəm”.

Qeyd edək ki, İ.Şotadze 18 fevral 2020-ci ildə bu vəzifəyə seçilmişdi.

Təbii fəlakətdən sonra Rusiyanın köməyi ilə Ermənistanla Gürcüstan arasında dəmir yolu bərpa edilib.

"Operativ Məlumat Mərkəzi-OMM" xəbər verir ki, bunu Rusiya Federasiyası Hökuməti sədrinin müavini Aleksey Overçuk deyib.

Overçukun sözlərinə görə, Rusiya Gürcüstanla dəmir yolu əlaqəsini rekord müddətdə bərpa etməklə Ermənistan xalqına çətin anlarda kömək edib.

"Ermənistanı xarici dünya ilə birləşdirən yeganə dəmir yolu həyati əhəmiyyətli yüklərin çatdırılması üçün əsas kanaldır və onun uzun müddət kəsilməsi əhalinin ərzaq və yanacaqla təmin olunması baxımından çox ciddi mənfi nəticələrə səbəb ola bilər", - baş nazirin müavini bildirib.

Hökumət başçısının müavininin qeyd etdiyi kimi, rusiyalı ekspertlər erməni həmkarları ilə birlikdə dəmir yolunun təbii fəlakət nəticəsində zədələnmiş hissəsini təmir etmək üçün gecə-gündüz işləyiblər.

Türkiyə Silahlı Qüvvələrinin İraqın və Suriyanın şimalında keçirdiyi antiterror əməliyyatı nəticəsində 17 terrorçu öldürülüb.

"Operativ Məlumat Mərkəzi-OMM" xəbər verir ki, bu barədə Türkiyə Milli Müdafiə Nazirliyi məlumat yayıb.

Məlumata görə, Türkiyə hərbçiləri İraqın şimalında Hakurk və “Pence Kilit” bölgəsində 8, Suriyanın şimalında “Fırat qalxanı” və “Barış pınaır” bölgələrində 9 PKK/YPG terrorçusunu öldürüb.

Qadınların və İslam dininin başqa təriqətlərindən olan İran vətəndaşlarının prezidentliyə namizədliklərinin qeydə alınmaması ölkə konstitusiyasının 115-ci maddəsinin pozulmasıdır.

"Operativ Məlumat Mərkəzi-OMM" “Radiofərda”ya istinadən xəbər verir ki, bunu İranın Sistan və Bəlucistan əyalətinin mərkəzi Zahidan şəhərinin imamcüməsi, tanınmış din xadimi Mövləvi Əbdül Həmid bildirib.

Onun sözlərinə görə, bu qadağa İslam şəriətinə və beynəlxalq qaydalara uyğun gəlmir: “45 ildir başqa təriqətdən olan İran vətəndaşları bu siyasi kampaniyada namizədliklərini göstərə bilmir”.

İran Konstitusiyasının 115-ci maddəsinə əsasən, “Prezident aşağıdakı meyarlara cavab verən dini və siyasi liderlər arasından seçilir: İranəsilli, iranlı, idarəçi və bacarıqlı, yaxşı reputasiyalı, etibarlı və dindar, imanlı və İran İslam Respublikasının əsasları və ölkənin rəsmi dininə inanan".

Konstitusiyanın 112-ci maddəsində göstərilib: “İranda rəsmi din İslam və On iki imamlı, Cəfəri (şiə) təriqətidir”.

Xatırladaq ki, İranda prezidentliyə namizədliyə 80 iddiaçı qeydə alınmışdı. Onlardan 12-si qadın idi. İyunun 9-da altı nəfərin namizədliyi elan edilib. Prezident seçkisi iyunun 28-də keçiriləcək.

Rusiya Prezidenti Vladimir Putin Ukrayna ərazisində 700 minə yaxın hərbi qulluqçusunun savaşdığını açıqlayıb.

"Operativ Məlumat Mərkəzi-OMM" TASS-a istinadən xəbər verir ki, bu barədə dövlət başçısı “Vremya geroyev” proqramının iştirakçıları ilə görüşdə söyləyib.

Türkiyənin Aydın vilayətinin Didim rayonunda meşə yanğınına müdaxilə edən təyyarənin burnu Bafa gölündən su götürərkən suya batıb.

"Operativ Məlumat Mərkəzi-OMM" xəbər verir ki, bu barədə "TRT Haber" məlumat yayıb.

Muğla valisi Akbıyık "TRT Haber"ə açıqlamasında bildirib ki, təyyarədə olan 3 nəfər xilasetmə qrupları tərəfindən xilas edilib.

“Texniki nasazlıq səbəbindən amfibiya yanğınsöndürmə təyyarəsi Bafa gölünə düşdü. İki pilot və daha bir mütəxəssis xilas edilərək sahilə çıxarılıb”, - o bildirib.