Gürcü diplomatları Aİ ölkələrinə vizasız səyahət edə biləcək?

Avropa İttifaqı (Aİ) ölkələrinin əksəriyyəti Gürcüstanın diplomatik pasport sahibləri üçün vizasız səyahətin dayandırılmasını dəstəkləyib.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

Bildirilib ki, bu təklifin 25 ölkə lehinə, ikisi - Macarıstan və Slovakiya isə əleyhinə səs verib.

Qərar martın əvvəlində qüvvəyə minəcək və bundan sonra gürcü diplomatları artıq Aİ ölkələrinə vizasız daxil ola bilməyəcəklər.

Gürcüstan və Aİ arasında vizasız rejim 2017-ci ildən qüvvədədir.

Qeyd edək ki, 10-dan çox Aİ ölkəsi Gürcüstanın diplomatik və xidməti pasport sahibləri üçün vizasız səyahəti ləğv edib.