OMM Redaksiyası
"Macarıstan hakimiyyəti ABŞ Konqresinə müraciət edərək Rusiya neft və qazının əsas alıcılarına qarşı cəza tədbirləri nəzərdə tutan yeni ABŞ sanksiyaları haqqında qanunun onların ölkəsinə qarşı tətbiq olunmamasını xahiş edib".
"Operativ Məlumat Mərkəzi-OMM" xəbər verir ki, bu sözləri Macarıstan parlamentinin xarici işlər komitəsinin sədri Marton Haydu bildirib.
"Mən bütün həmsöhbətlərimdən Macarıstanın Rusiya enerji daşıyıcılarından asılılığın daha da azaldılması və müxtəlif mənbələrdən enerji təchizatının təmin edilməsi səylərini dəstəkləmələrini xahiş etdim. Bundan əlavə, mən keçid dövründə Rusiyanın enerji resurslarının alınması ilə bağlı ABŞ-nin cəza tədbirlərinin Macarıstana şamil edilməməsinə kömək göstərilməsini xahiş etdim. Biz Macarıstan-Amerika münasibətlərini seçki dövründən kənara çıxan uzunmüddətli maraqlar və ümumi dəyərlər əsasında qururuq", - Haydu qeyd edib.
Qeyd edək ki, sentyabrın 18-də Prezident Donald Tramp Rusiyaya qarşı sanksiyaların sərtləşdirilməsi haqqında qanun layihəsini imzalayıb. Sənəd, xüsusilə, Rusiya Federasiyasının ticarət tərəfdaşlarına qarşı əlavə sanksiyalar nəzərdə tutur. Sənədə əsasən, ABŞ Rusiya neft və qazının əsas alıcıları olan ölkələrə qarşı 100% miqdarında idxal rüsumları tətbiq edə bilər. Macarıstan da həmin ölkələrin sırasına daxildir.
