Afət Ziyadqızı
Fransanın Müdafiə Nazirliyinin verdiyi rəsmi bəyanata əsasən, ölkənin şimal-şərqində yerləşən Meurthe-et-Moselle vilayətinin Rogeville yaşayış məntəqəsi yaxınlığında Fransa Hava və Kosmik Qüvvələrinə məxsus “Mirage 2000D” tipli hərbi qırıcı təyyarə qəzaya uğrayıb.
"Operativ Məlumat Mərkəzi-OMM" xəbər verir ki, qırıcı təyyarə Nancy-Ochey 133-cü Hava Bazasının eşalonuna daxil olub və təlim-döyüş missiyasını başa vuraraq bazaya qayıdarkən qəzaya düşüb.
Məlumata görə, qırıcının göyərtəsində iki nəfər – pilot və silah sistemləri üzrə zabit-seyrçi (şтурман) olub. Hadisə yerinə dərhal cəlb edilən hərbi və mülki axtarış-xilasetmə qüvvələri tərəfindən aparılan təcili tədbirlər zamanı heyət üzvlərindən birinin cəsədi aşkarlanıb. Həlak olan hərbçinin şəxsiyyətinin identifikasiyası istiqamətində işlər davam etdirilir. Heyətin digər üzvü isə itkin düşmüş hesab olunur və onun axtarışları fasiləsiz olaraq aparılır.
